Kurti shkruan sërish për takimin me shefin e NATO-s: Shpreha vullnetin e pathyeshëm që t’i bashkohemi Aleancës

23:04 | 11 Mars 2025
E.G

Kryeministri i vendit, Albin Kurti, ka shkruar sërish për takimin e sotëm me sekretarin e Përgjithshëm të NATO’s, Mark Rutte.

Me anë të një postimi në Facebook, Kurti ka thënë se shefit të NATO’s i ka shprehur vullnetin e pathyeshëm për synimin e pandryshueshëm të Kosovës, e që është anëtarësimi në NATO, shkruan Arbresh.info.

“Kënaqësi e veçantë ta mirëpresim sot Sekretarin e Përgjithshëm të NATO-s, Mark Rutte, i cili e viziton Kosovën për herë të parë në pozitën e tij të re. Vendi ynë është përherë mirënjohës NATO-s për kontributin e saj të pazëvendësueshëm për liri dhe rolin e saj të çmueshëm për siguri dhe paqe. Falënderimin sot e shprehim përmes vullnetit të pathyeshëm dhe synimit të pandryshueshëm që t’i bashkohemi Aleancës Veri-Atlantike për të kontribuar për paqe të qëndrueshme.”, ka shkruar Kurti./Arbresh.info/